នៅពេលបានសន្យាពីទេពារក្សថា នឹងយល់ព្រមទុកជីវិត ពាក់កណ្តាលរបស់ឈ្មួញឱ្យ តាសាច់ បានចង្អុលឡើងថា៖
«ក្តាន់ដែលអ្នករាល់គ្នាកំពុងតែឃើញមកជាមួយខ្ញុំនេះ គឺជាប្រពន្ធរបស់ខ្ញុំ!»
ខណៈពេលទាំងអស់គ្នាភ្ញាក់ផ្អើលខ្លាំង ហើយងាកមកសម្លឹងក្តាន់ញីដែលអង្គុយថើបជើងតាចាស់ តាម្ចាស់ក្តាន់ក៏ចូលដល់សាច់និទានតែម្តង៖
រឿងខ្ញុំគឺវែងដូច្នេះ ។ យើងគ្មានកូនចៅទេក្រោយរៀបការយូរឆ្នាំមក ដូច្នេះខ្ញុំបានយកកូនប្រុសតូចមួយ របស់ទាសករម្នាក់ដែលមានចរិតល្អស្មោះសហើយបម្រើភេទ ខ្ញុំបានកូនម្នាក់។ ខ្ញុំចូលចិត្តក្មេងនោះ ដោយស្បថប្តេជ្ញាធ្វើឱ្យគាត់ក្លាយជាអ្នកស្នងមរតកនិងជាកូនពិតប្រាកដម្នាក់របស់ខ្ញុំ។
ទោះយ៉ាងណាប្រពន្ធខ្ញុំ មិនពេញចិត្តយ៉ាងខ្លាំងចំពោះកូនប្រុសធម៌នេះ។ នាងមិនបាននិយាយចិត្តពិតមកនឹងខ្ញុំត្រង់ៗទេ នាងលាក់បាំងពីខ្ញុំរហូតដល់ ពេលកូនប្រុសចិញ្ចឹមរបស់ខ្ញុំមានអាយុបានប្រហែល ១០ ឆ្នាំ ខ្ញុំត្រូវមានកាតព្វកិច្ចធ្វើដំណើរជំនួញឆ្ងាយ។
មុនពេលខ្ញុំចេញទៅ ខ្ញុំបានប្រគល់ភារកិច្ចក្នុងផ្ទះឱ្យប្រពន្ធខ្ញុំ ថាទាំងម្តាយនិងកូនប្រុសត្រូវតែជំនួសខ្ញុំ។ ពេលយប់ឡើងជារាត្រីចុងក្រោយខ្ញុំនិយាយអង្វរនាងឱ្យមើលថែពួកគេគឺទាសករដែលខ្ញុំស្រលាញ់ និងកូននាង ក្នុងពេលអវត្តមានរបស់ខ្ញុំពេញមួយឆ្នាំ។
ខ្ញុំមិនដែលដឹងឡើយថា ក្នុងអំឡុងពេលនៅជាមួយគ្នា ភរិយានេះនាងបានសិក្សាមន្តអាគមខ្មៅ។
ដើម្បីអនុវត្តគ្រោងការណ៍អាក្រក់របស់នាងពេលខ្ញុំចេញបាត់ នាងបាននាំកូនប្រុសខ្ញុំទៅកន្លែង១ឆ្ងាយហើយប្តូរវាទៅជាក្តាន់តូចមួយ។ ចំណែកឯម្តាយវាត្រូវនាងជប់ទៅជាគោ។
បន្ទាប់មកនាងដឹកសត្វទាំងទ្វេត្រឡប់មកប្រគល់ឱ្យទាសករក្នុងផ្ទះ ទុកចោលក្នុងទ្រុងរង់ចាំខ្ញុំមកវិញ។
នៅពេលខ្ញុំត្រលប់មកវិញខ្ញុំបានសួររក កូនប្រុសនិងទាសករម្នាក់នោះ ភរិយាខ្ញុំ នាងបាននិយាយថា“ ទាសកររបស់អ្នកបានស្លាប់ហើយព្រោះជំងឺ ចំណែកកូនប្រុសរបស់អ្នកខ្ញុំមិនបានឃើញគាត់ពីរខែ ហើយខ្ញុំមិនដឹងថាគាត់រត់ទៅនៅឯណាទេ” ។
ខ្ញុំមានការសោកស្តាយកើតតុក្ខបាយមិនកើតគេងមិនបានដោយសារដំណឹងនេះ។ ពីការស្លាប់របស់ទាសករខ្ញុំប៉ុន្តែដូចជាកូនប្រុសរបស់ខ្ញុំទើបតែបាត់ខ្លួន ខ្ញុំគិតថាខ្ញុំគួរតែរកឃើញគេឱ្យបានឆាប់ៗ។ ទោះយ៉ាងណាប្រាំបីខែបានកន្លងផុតទៅនៅតែគ្មានដំណឹងពីគាត់។ បន្ទាប់មកពិធីសាសនាប្រចាំឆ្នាំ បានមកដល់។
ដើម្បីអបអរដូចរាល់ដង ខ្ញុំបានបញ្ជាឱ្យអ្នកបម្រើរបស់ខ្ញុំរើសយកគោមួយមកខ្ញុំ ដើម្បីបូជា។ ភរិយាខ្ញុំបានធ្វើដោយដៃនាងគឺទៅបណ្តើរ គោដែលជប់ពីទាសករមកឱ្យខ្ញុំ។ជាអកុសលពេល ខ្ញុំបានចងនាង ចង់សំលាប់នាង នាងចាប់ផ្តើមថ្ងូរយ៉ាងខ្លាំង ទាំងស្រក់ទឺកភ្នែកជោគ ហាក់ដូចជាខ្ញុំមិនអាចទៅរួចមែនជាមួយ អារម្មណ៍អាណិតជាសម្ងាត់ ។ ខ្ញុំបានបញ្ជាឱ្យអ្នកបម្រើនាំនាងទៅឆ្ងាយហើយនាំយកមួយផ្សេងមកទៀត។ ភរិយាខ្ញុំដែលមានវត្តមានក្នុងពីធីនោះ បានខឹងសម្បារនិងមើលងាយចិត្តមេត្តាការអាណិតអាសូររបស់ខ្ញុំថា៖
“តើប្តីកំពុងធ្វើអ្វី? ប្តីចិត្តទុនចំពោះពួកបិសាចឬអ្វី? សម្លាប់គោនេះទៅ វាជារឿងល្អបំផុតដែលយើងត្រូវបង្ហាញភាពដាច់ខាតនឹងព្រះ” ។
ដើម្បីផ្គាប់ចិត្តនាង ខ្ញុំបានព្យាយាមម្តងទៀត ប៉ុន្តែ ទឹកភ្នែករបស់សត្វបានធ្វើឱ្យខ្ញុំលែងមានកម្លាំង។
ខ្ញុំបានប្រាប់អ្នកបម្រើថា“ យកនាងទៅ! ចង់សម្លាប់នាង ខ្ញុំមិនអាចទេ”
អ្នកបម្រើបានសម្លាប់នាងដោយដៃពួកគេ ប៉ុន្តែនៅពេលយកមកមើល នាងពិតជាស្គមស្គាំង គ្មានអ្វីក្រៅពីឆ្អឹងទេទោះបីជានាងហាក់ដូចជាត្រូវគេបង្អត់មកជាយូរហើយ ខ្ញុំ បានគេខឹងសម្បារឡូឡាយ៉ាងខ្លាំង។
ក្នុងរយៈពេលដ៏ខ្លីភរិយាខ្ញុំបានឱ្យពួកទាសករជំនិតនាង នាំកូនក្តាន់តូចដែលធាត់ទ្រលុកខ្លាំង ហើយដែលខ្ញុំមិនដឹងសោះថាវាជាកូនប្រុសរបស់ខ្ញុំ ទេ។
វាបានព្យាយាមយ៉ាងខ្លាំងដើម្បីផ្តាច់ខ្សែចំណង ហើយរត់មករកខ្ញុំ។ វាបានបោះមាត់វាមកចំជើងខ្ញុំ ដោយក្បាលរបស់វានៅលើដីដូចជាវាចង់ធ្វើឱ្យខ្ញុំអាណិត ហើយសូមអង្វរខ្ញុំកុំអោយយកជីវិតវា។
ខ្ញុំរឹតតែភ្ញាក់ផ្អើលនិងរំជើបរំជួលចំពោះសកម្មភាពនេះដោយខ្ញុំស្រក់ទឹកភ្នែកលើសត្វទើបខ្ញុំនិយាយទៅកាន់អ្នកបម្រើថា៖
“ យកវា ថែរក្សាអោយល្អទិញស្តវផ្សេងនៅផ្សារមក” ។
ពេលប្រពន្ធខ្ញុំបានឮ ខ្ញុំនិយាយបែបនេះភ្លាមនាង ក៏ស្រែកឡើងថា៖ «ប្តីអើយតើអ្នកកំពុងធ្វើអ្វី? កុំលះបង់ពេលវេលាព្រះនឹងខឹង »។
“ ប្រពន្ធអើយ” ខ្ញុំបានឆ្លើយឡើងវិញថា“ ខ្ញុំនឹងមិនលះបង់ជីវិតកូនក្តាន់នេះឡើយ” ហើយទោះបីជាមានការរំលឹកឡើងវិញដដែលៗពីនាងក៏ដោយខ្ញុំនៅតែតាំងចិត្តរឹងមាំ។
នៅថ្ងៃបន្ទាប់មានបុរសជាអ្នកបម្រើម្នាក់ បានសុំជួបនិយាយជាមួយខ្ញុំជាលក្ខណៈឯកជនសម្ងាត់។
“ខ្ញុំបានមកនេះដើម្បីប្រាប់អ្នកពីដំណឹងខ្លះដែលខ្ញុំគិតថាអ្នកនឹងចង់ដឹងការពិត! ខ្ញុំមានកូនស្រីម្នាក់ដែលចេះវេទមន្ត។ កាលពីម្សិលមិញ នៅពេលដែលខ្ញុំកំពុងដឹកនាំសត្វក្តាន់ ទៅកូនខ្ញុំ ចាប់ផ្តើមយំខ្ញុំសួរនាងថាហេតុអ្វីបានជានាងធ្វើដូច្នេះនាងឆ្លើយតបថា ក្តាន់តូចនេះ តាមពិតគឺជាកូនប្រុសរបស់ចៅហ្វាយនាយយើង។ ជួកគេទាំងម្តាយនឹងកូនរងមន្តអាគមខ្មៅ ធ្វើឡើងដោយ ប្រពន្ធរបស់ចៅហ្វាយយើងដែលស្អប់ទាសករនិងកូនប្រុស»។
ឮហើយខ្ញុំស្លុតណាស់។
ខ្ញុំមិនដឹងថាតើមានការពិតអ្វីខ្លះត្រូវបានកើតមានឡើងក្រោយពេលខ្ញុំមិននៅផ្ទះនោះទេ តែទឹកភ្នែកសត្វទាំងពីរ នៅតែផ្តោតជាការចងចាំជាប់ក្នុងជម្រៅបេះដូងខ្ញុំ។
«ហៅកូនស្រីរបស់អ្នកមកជួបខ្ញុំជាសម្ងាត់ភ្លាម! កុំភ្លេចបណ្តើរកូនក្តាន់មកផង»
ទាសករជាឳពុករត់ចេញទៅភ្លាមហើយបាននាំមកឱ្យខ្ញុំនូវកូនស្រីវ័យ១២ឆ្នាំរបស់គាត់និងបណ្តើរកូនប្រុសក្តាន់កម្សត់មកដែរ។ ខ្ញុំចាប់ផ្តើមសួរនាងភ្លាមថា៖
«បើអ្វីៗដែលនាងបានប្រាប់ទៅឳពុក ជាការពិតមែន តើនាងអាចចេះវិធីផ្លាស់ប្តូរកូនប្រុសខ្ញុំឱ្យមានរូបរាងដើមវិញបានទេ?” ។
នាងឆ្លើយថា៖
“ ចាសខ្ញុំអាច តាមល័ក្ខខ័ណ្ឌពីរយ៉ាងដោយព្រះជាអុរឡោះ!»
«អ្វីទៅ នាងនិយាយបានទេ?»
« មួយ គឺថាអ្នកនឹងរៀបការគាត់មកជាប្តីខ្ញុំ ហើយមួយទៀត គឺអ្នកនឹងអនុញ្ញាតឱ្យខ្ញុំដាក់ទណ្ឌកម្មលើស្ត្រីដែលជប់គាត់ទៅជាសត្វ” ។
ចំពោះលក្ខខណ្ឌទីមួយ ខ្ញុំបានឆ្លើយថាខ្ញុំយល់ព្រមដោយស្មោះមែនអស់ពីចិត្ត ហើយខ្ញុំនឹងផ្តល់ថ្លៃបណ្ណាការដល់ឱពុកអ្នក ចំពោះលក្ខខណ្ឌទី ២ ខ្ញុំក៏យល់ព្រមដែរខ្ញុំគ្រាន់តែអង្វរអ្នកថា សូមទុកជីវិតឱ្យភរិយាខ្ញុំផងទោះជាដាក់ទណ្ឌកម្មនាង។
នាងកូនស្រីទាសករឆ្លើយថា៖
“ ខ្ញុំនឹងគោរពតាមដោយដាក់ទណ្ឌកម្មនាង ដូចកាលនាងបានព្យាបាទលើកូនប្រុសរបស់អ្នកដែរ”
បន្ទាប់មកនាងនោះ បានយកធុងទឹកមួយមក ហើយសូត្រឡើងនូវពាក្យមួយចំនួនដែលខ្ញុំមិនយល់ទេ។
បន្ទាប់មកនៅពេល ក៏ស្រោចប្រោះលើក្តាន់ជំទង់ឱ្យក្លាយមកជាយុវជនម្តងទៀត។
“កូនប្រុសខ្ញុំមកហើយ! ឱ កូនជាទីស្រឡាញ់” ខ្ញុំលាន់មាត់ថើបគាត់ដោយភាពរីករាយ។ កូនខ្ញុំយំថើបជើងខ្ញុំ។
ខ្ញុំបង្គាប់នាយថា ៖
«ហៃកូន នារីនេះដែលព្រះអុរឡោះបានពេញចិត្តបញ្ជានាងឱ្យមកជួយសង្រ្គោះអ្នកពីភាពខ្មៅងងឹតនៃលោកិយ៍ ខ្ញុំប្រាកដថា ដោយសារការដឹងគុណ អ្នកនឹងរៀបការជាមួយនាង” ។
កូនខ្ញុំ បានយល់ព្រមដោយរីករាយ។
ប៉ុន្តែមុនពេលពួកគេរៀបការ ក្មេងស្រីតូចនេះបានជប់ប្រពន្ធខ្ញុំទៅជាក្តាន់វិញ ហើយនាងគឺក្តាន់ដែលគ្រប់គ្នាកំពុងតែឃើញនេះ។
ចាប់តាំងពីពេលនោះមកកូនប្រុសរបស់ខ្ញុំបានក្លាយជាម្ចាស់មុខរបរហើយខ្ញុំជាពោះម៉ាយហើយបានស្ពាយភរិយានេះធ្វើដំណើរកំសាន្តគ្រប់ទិសទីដូចកាលយើងសន្យាគ្នាពីក្មេងៗ។
តើនេះមិនមែនជារឿងនិទានដ៏អស្ចារ្យបំផុតទេឬ?
ទេពារក្សបានងក់ក្បាលថា៖
“ វាពិតជាអស្ចារ្សមែនហើយ ដូច្នេះហើយដោយសារខ្ញុំជឿចិត្តសប្បុរសនិងទូលំទូលាយនេះ ខ្ញុំផ្តល់ឱ្យអ្នកនូវពាក់កណ្តាល នៃការដាក់ទណ្ឌកម្មយកជិវិតលើឈ្មួញនេះ” ។
នៅពេលតំណាលនោះ បុរសចំណាស់ទី២ ដែលដឹកឆ្កែខ្មៅទាំងពីរជិតនោះដែរ និយាយឡើងភ្លាម ទៅកាន់ទេពារក្សថា៖
«ជីវិតពាក់កណ្តាលទៀតរបស់ឈ្មួញនេះ គួរតែអ្នកឱ្យមកខ្ញុំ ព្រោះអ្នកនឹងសោកស្តាយប្រសិនមិនបានខ្ញុំប្រាប់ពីអ្វីដែលបានកើតឡើងចំពោះខ្ញុំ វិញម្តង! មើលចុះ គួរឱ្យភ្ញាក់ផ្អើលជាងអ្វីដែលអ្នកទើបតែបានស្តាប់មុននេះទៅទៀត សត្វឆ្កែ២នេះតាមពិតក៏ជាមនុស្សដែរ!»
ទេពារក្សភ្ញាក់ផ្អើលណាស់ បានយល់ព្រមអង្គុយចុះមកសម្រាកក្បែរឆ្កែ ដោយសម្លឹងភ្នែកពួកវា ហើយនិយាយឡើងថា ៖
«និយាយមកខ្ញុំអត់ទ្រាំតទៅទៀតមិនបានឡើយព្រោះតែការចងដឹង!»
ជាមួយនឹងកិច្ចព្រមព្រៀងនេះ បុរសចំណាស់ទីពីរបានចាប់ផ្តើម….
ចុចអាន រឿង បុរសចំណាស់និងឆ្កែខ្មៅទាំងពីរ
