១.សូមបងណែនាំអំពីខ្លួនឯង និងស្នាដៃដែលចេញផ្សាញនៅ MST Writer
សួស្ដី ខ្ញុំបាទឈ្មោះ”ឈាន ឌី” មានអាយុ ១៧ឆ្នាំ ជាសិស្សនៅអនុវិទ្យាល័យ ប៊ុនរ៉ានី ហ៊ុនសែន ក្រវៀនធំ។ រឿង”ពិធីជប់លៀង” គឺជារឿងខ្លីដំបូងរបស់ខ្ញុំ។
២.តើមូលហេតុអ្វីដែលបងសម្រេចចិត្តយករឿងរបស់ខ្លួនមកដាក់ផ្សាយ? តើមានកម្លាំងបណ្ដាលចិត្តអ្វីខ្លះ ហើយរឿងរបស់បងនិយាយអំពីអ្វីដែរ?
បានជាខ្ញុំសម្រេចចិត្តយករឿងរបស់ខ្លួនមកដាក់ផ្សាយព្រោះចង់បានមតិកែលម្អពីក្រុមការងារអ្នកគ្រូ ម៉ីសន សុធារីនិងផ្សាយបានដល់អ្នកអានបានកាន់តែទូលាយតាមរយៈ កម្មវិធី MST Writer seasons 1។ កម្លាំងបណ្តាលចិត្ត គឺបានមកពីមិត្តរបស់ខ្ញុំទាំងស្គាល់តាមបណ្តាញសង្គមនិងមិត្តរួមជំនាន់ ហើយនៅមានរៀមច្បងនៅក្នុងវិស័យតែងនិពន្ធ។
៣. តើបងអាចចែករំលែកពីចំណុចដែលបងចូលចិត្ត ឬស្រឡាញ់ជាងគេក្នុងរឿងមួយនេះបានដែរទេ?
ខ្ញុំរឿងនេះខ្ញុំចូលចិត្តត្រង់ឈុតលងបន្លាចព្រោះខ្ញុំបានសរសេរដាក់បញ្ចូលអារម្មណ៍ដើម្បីឲ្យប្រិយមិត្តអ្នកអានស្លុងអារម្មណ៍ខ្លាំង។
៤. តើអ្វីទៅជាបំណងរបស់បងក្នុងការដាក់ផ្សាយរឿងមួយនេះ?
ខ្ញុំចង់ចូលរួមក្នុងការលើកកម្ពស់ការអាននៅកម្ពុជា។ រឿង”ពិធីជប់លៀង” គឺនិយាយអំពីកម្លោះ និស្សិតពេទ្យឆ្នាំទី៤ ម្នាក់ដែលនឹងត្រៀមប្រឡងបំណាច់ឆ្នាំហើយ គាត់បានចូលរួមកម្មធីជប់លៀងកម្សាន្ត តាមសំណើរបស់លោកតាដ៏រួសរាយម្នាក់ តែគាត់បែជាជួបរឿងដ៏គួរឲ្យស្លុតចិត្តទៅវិញ…។
៥. តើបងមានចំណាប់អារម្មណ៍អ្វីខ្លះទៅកាន់មិត្តអ្នកអានទាំងអស់គ្នា?
ខ្ញុំសូមអរគុណដល់អ្នកដែលបានអានរឿងរបស់ខ្ញុំ ហើយសូមជួយជាមតិកែលម្អ ដើម្បីបានខ្ញុំកែនូវចំនុចខ្វះខាតបន្ថែម។
