Menu

រឿង៖ ព្រោះគេគ្មានបេះដូង

វាជារឿងពិតរបស់ខ្ញុំមួយ មិនមែនជាការតាក់តែង ប្រតិដ្ឋឡើងដើម្បីកុហកអ្នកទាំងអស់គ្នានោះទេ តែវាក៏ជាមេរៀនជីវិតសម្រាប់ខ្ញុំកន្លងមកដែរ។ ជាក់ស្ដែងទៅវាក៏ជាមេរៀនសម្រាប់មនុស្សស្រីគ្រប់រូបដែរ។ កុំលះបង់ខ្លាំងពេកចំពោះមនុស្សដែលតែងតែទាមទារនិងស្រែកឃ្លានក្តីស្រលាញ់ពីយើង តែក្តីស្រលាញ់ដែលគេផ្តល់ឱ្យយើង ជាក្តីស្រលាញ់ក្លែងក្លាយទៅវិញ៕
«មិនអីទេណារិទ្ធិ គាត់ជាមនុស្សល្អទេ!» ណារិទ្ធិក៏យួរបន្លែចូលក្នុងផ្ទះ។ «ចួបគ្នានៅកន្លែងណាបងរាជជូនឯងមកផ្ទះ?» «តាមផ្លូវមកពីផ្សារ គាត់ឃើញគ្នាយួររណេងរណោងពេក!» «យ៉ាងណាបងរាជចរិតក៏គ្រាន់បើជាងអាមួយនោះដែរ!» «តែខ្ញុំថាពួកវាដូចតែគ្នាហ្នឹង!» ណារិទ្ធិនិយាយកាត់ «ដូចតែគ្នា មានតែបងឯងដូចគេដែរ!» «ទេបងខុសពីពួកគេ ហាសហា!» «ទៅឈប់ប្រកែកគ្នាទៅ បេះបន្លែធ្វើម្ហូបបាយទឹកទៅ ថ្ងៃត្រង់ហើយ!»
«អូនមិនបានទាក់ទងគាត់ទេ បងយល់ច្រឡំនឹងអូនហើយ អូនមានតែបងម្នាក់ទេ!» «មិនទាក់ទងតែពេលខ្លះឌុបគ្នាទៅផ្ទះ ស្មានតែបងមិនដឹងហ្អី អូនឯងឥឡូវប្លែកណាស់ ចេះកុហកបង មានបំណងចង់ក្បត់បង ឬក៏មានអ្នកថ្មីហើយ? បងសោកស្តាយណាស់ ដែលខំលះបង់គ្រប់យ៉ាងដើម្បីអូន!» រឿងថ្ងៃមុនបងរាជដឹកខ្ញុំទៅផ្ទះ ដោយសារអ្នកណា គឺគាត់ហ្នឹងហើយ តើខ្ញុំចាំគាត់យូរប៉ុនណាមិនឃើញគាត់មកយកសោះ ឥឡូវគាត់បោះសម្តីបែបនេះខ្ញុំ។ «ទៅអូនព្រមទទួលខុសគ្រប់យ៉ាង ឱ្យអូនសុំទោស យើងគួរតែលែងគិតពីវា ហើយចាប់ផ្តើមម្តងទៀតទៅ អូនសុំអង្វរ!»
«បាទ! បាទសុម៉ាលី! មានលំហាត់ណាអត់ចេះឈែតសួរបានណា! បើខ្ញុំអត់ចេះចាំខ្ញុំសុំពីគេផ្ញើឱ្យ!» «គ្មានអ្នកណាជឿថាណារិទ្ធិឯងមិនចេះទេ សិស្សពូកែផងនោះ» «កុំប៉ិនបញ្ជោរពេកសុម៉ាលីហាសហា» «ម៉ាលីតស់! ទៅផ្ទះ» ខ្ញុំធ្វើមុខស្អុយ ឈរសម្លក់គេ គេនិយាយបណ្តើរមើលមកមុខខ្ញុំបណ្តើរ «អ៊ីចឹងខ្ញុំទៅផ្ទះហើយណា» «បាទ! បាទ! ហ្នឹងហើយ មើលទៅអ្នកខ្លះដូចមិនសូវសប្បាយចិត្តទេ ពេលម៉ាលីនិយាយជាមួយខ្ញុំ បែបដូចជាមិនសប្បាយចិត្តម៉េចមិនដឹងទេ» «នែ! ចង់និយាយពីអ្នកណាគេ អាប៉ិនិយាយច្រើន!»
«ប្អូនធា្លប់បានរៀនភាសាបារាំងពីមុនដែរឬអត់?» «ចាស! អ្នកគ្រូធ្លាប់រៀនបានខ្លះអ្នកគ្រូ» «ល្អ! សាករាប់លេខបានអត់?» ខ្ញុំចាប់ផ្តើមបុកពោះមិនដឹងថារាប់បានប៉ុន្មានលេខទេ អ្នកគ្រូបានហៅខ្ញុំម្តងទៀត៖ «តស់ប្អូន!» «អង ដឺ ទ្រ អឹម...អឹម...អឹម...» ខណៈនោះក៏មានសំឡេងផាំង គ្រប់គា្នបាននាំគ្នាសម្លឹងរកសំឡេងនៅឯទ្វារ ហើយគ្រប់គ្នាបានសើចនិងខ្សឹបខ្សាវគ្នាពាសពេញបន្ទប់រៀន ខ្ញុំក៏បានងាកទៅតាមទា្វរឃើញសភាពបែបនេះក៏ទប់សើចមិនបានដូចគ្នា ព្រោះបុរសម្នាក់នោះបានដួលទៅនឹងឥដ្ឋហើយកាតាបរបស់គេបានជះសៀវភៅរាយប៉ាយចេញមកក្រៅ ស្បែកជើងក៏របូតចេញពីជើងទៀត។
បន្ថែមទៀត

Meysansotheary © 2025.