Menu

រឿង៖ ស្នេហាមេក្រុមបង្ហូរឈាម

ពួកយើងប្រដេញគ្នាឡើងលើជណ្តើរ ឆ្មាំពីរនាក់បើកភ្លើងហ្វាស្រោចមកលើ ធ្វើឱ្យខ្ញុំសង្កត់ខ្លួនខ្ញុំទៅនឹងបង្អែកបង្កាន់ដៃ ហើយចាត់ចែងសម្លាប់ម្នាក់កាន់ហ្វានោះ។ រត់មកដល់ជាន់ទីមួយ យើងបំបែកជាក្រុម ដើម្បីស្វែងរកលុកលុយទៅតាមបន្ទប់ទាំងអស់។ តាមគម្រោងដែលវ៉ិកទ័របានបង្ហាញយើង ខ្ញុំដឹងថាបន្ទប់គេងសំខាន់ជាងគេ គឺនៅចុងផ្លូវធំ។ ខ្ញុំមិនខ្ជះខ្ជាយពេលវេលា ក៏តម្រង់ទៅរកអាមនុស្សជួរជាតិនោះ។
ជីវិតស្នេហាពួកយើងនៅពេលនេះ ជិតពាក់កណ្តាលអធ្រាត្រហើយ ធីអាណានៅតែអង្គុយក្នុងបន្ទប់ទទួលភ្ញៀវ ធ្វើពុតជាមើលទូរទស្សន៍។ Mishaចូលគេងឡើងមួយសន្ទុះហើយ។ ខ្ញុំអង្គុយឆ្ងាយពីប្រពន្ធខ្ញុំសម្លឹងនាង។ ខ្ញុំយល់ថាហេតុអ្វី នាងមានសិទ្ធិគ្រប់យ៉ាងក្នុងពេលដែលខឹងនឹងខ្ញុំ។
ប្រពន្ធបាត់ខ្លួន ខ្ញុំកំពុងវង្វេងស្មារតី។ មនុស្សជាច្រើនមានឯកទេសស៊ើបការណ៍នៅ St. Monarch's បានជួយខ្ញុំដើម្បីស្វែងរក Tiana ។ ពួកគេកំពុងលុកលុយពិភពលោកសម្រាប់តាមរកនាង។ យប់មិញជាយប់វែងបំផុតក្នុងជីវិតរបស់ខ្ញុំ។ ខ្ញុំមិនធ្លាប់មានអារម្មណ៍ថាគ្មានកម្លាំងខ្លាំងបែបនេះទេពីមុនមក។ ខ្ញុំបានបន្តព្យាយាមចុចទៅរកទូរសព្ទរបស់Tiana ប៉ុន្តែមានតែការតបឱ្យទុកសារជាសំឡេង។
ខ្ញុំក្លាយជាប្រពន្ធក្បត់ ឥឡូវនេះ ខ្ញុំយល់ពីអារម្មណ៍របស់មនុស្សដែលដឹងថាខ្លួនជិតស្លាប់។ បុរសនៅពីមុខខ្ញុំមិនមែនជាប្តីខ្ញុំទៀតទេ គេជាមនុស្សឈាមត្រជាក់ ឃោរឃៅ និងមិនស្តាប់ហេតុផល។ ជននេះភ្ជង់ខ្ញុំ មិនស្តាប់ មិនយល់ចិត្ត និងមិនមានសេសសល់សញ្ញាអ្វី នៃArmaniម្នាក់ ដែលខ្ញុំបានស្រលាញ់ទៀតឡើយ។ ហេតុអ្វីព្រះធ្វើបែបនេះដាក់ខ្ញុំ?
«បាញ់ទៅបើបងមិនជឿខ្ញុំ!» ខ្ញុំសើចតែទឹកភ្នែកខ្ញុំសើម ហើយសង្កត់សំឡេងក្ងួរ៖ «ប្រាប់សិន! វា-ជា-អ្នកណា!» នាងគ្រវីក្បាលយ៉ាងញាប់ទោះសក់ត្រូវខ្ញុំបួង៖ «មិនដឹងទេៗៗៗៗ ខ្ញុំមិនស្គាល់ប្រុសណាក្រៅពីប្តីខ្ញុំទេ! ខ្ញុំមានតែអាម៉ានី! ខ្ញុំស្គាល់តែឈ្មោះនេះ!» តើខ្ញុំអាចជឿអ្វីដែលនាងនិយាយដោយរបៀបណា?
តំណែងថ្មីរបស់ខ្ញុំក្រោយរៀបការ ពីរសប្តាហ៍របស់ពួកយើង បានរំលងទៅយ៉ាងលឿនសឹងមិនគួរឱ្យជឿទេ។ ជីវិតត្រូវតម្រូវឱ្យយើងបំពេញការងារវិញ មិនឱ្យងប់ងុលនឹងភាពផ្អែមល្ហែមយូរពេកនោះទេ។ ខ្ញុំក៏បានចូលធ្វើការវិញបានមួយខែហើយ St. Monarch's ជាមួយនឹងការទទួលបានមុខតំណែងថ្មីរួមជាមួយកេរ្តិ៍ឈ្មោះរបស់ខ្ញុំជាឃាតករឈាមត្រជាក់។
ប្រពន្ធតូចរបស់ខ្ញុំ បើកទ្វារឱ្យMishaនិងAuroraកាលណា ខ្ញុំឱបមិត្តរបស់ខ្ញុំហើយអញ្ជើញឱ្យពួកគេចូលក្នុងផ្ទះ។ នេះជាលើកទីមួយហើយដែលMishaបានមកឃើញកន្លែងដែលខ្ញុំរស់នៅ។ គេបានក្រឡេកមើលជុំវិញ រួចនិយាយរអ៊ូថា៖ «មិនអន់!» ខ្ញុំទទួលយកការសរសើរហើយសួរ៖ «កាហ្វេ?» Auroraគ្រវីក្បាល៖ «គ្រាន់តែប្រាប់ផ្លូវខ្ញុំមកថា Tianaនៅឯណា ខ្ញុំទៅរកកូនក្រមុំរបស់លោក!»
គ្មានពាក្យពេចន៍ដែលអាចនឹងពណ៌នាថា តើខ្ញុំកំពុងតែសប្បាយចិត្តប៉ុណ្ណានោះទេ ជាមួយទំនាក់ទំនងស៊ីជម្រៅរវាងខ្ញុំហើយនិងអាម៉ានី។ ពេលនេះ លែងមានហើយការសង្ស័យនៅក្នុងចិត្តដែលថាArmaniត្រូវបង្ខំរៀបការព្រោះពាក្យសន្យាឬចិត្តគេពិតជាបានទាក់ទាញដោយសារខ្ញុំ។ យើងគេងក្បែរគ្នាទាំងព្រឹកព្រលឹម ហើយភ្ញាក់ពីគេងទាន់ពេលសម្រាប់អាហារថ្ងៃត្រង់។ ខ្ញុំមិនអាចឈប់សម្លឹងមើលគេឬឈប់លបញញឹមបានទេ ខណៈគេកំពុងអង្គុយនៅតុឯផ្ទះបាយ មើលមក ខ្ញុំពេលខ្ញុំដណ្តាំអាហារ។ «ក្លិនដូចធ្លាប់ស្គាល់?»
កូនកំលោះដែលនាងបានរង់ចាំ ខ្ញុំបានដើរចច្រប់ចុះឡើង រវាងផ្ទះបាយនិងបន្ទប់សាឡុងអង្គុយសឹងថាពេញមួយថ្ងៃនេះ ព្រោះជាពេលអវសានវាទនៃកិច្ចសន្យារបស់អនាគតស្វាមីខ្ញុំ អាម៉ានី។ ជិតពាក់កណ្តាលអធ្រាត្រហើយ ហើយគ្មានសញ្ញាArmaniបើកទូរសព្ទទៀត? មានច្រើនដងដែរ ដែលខ្ញុំស្ទើរតែទប់ចិត្តមិនកើតផ្ញើសារទៅគេព្រោះបារម្ភខ្លាំង។ បីថ្ងៃហើយ!!! ប្រសិនគិតពីព្រឹកដែលគេចាកចេញមកដល់ពេលនេះ...ខ្ញុំអន្ទះសាចង់ចួបគេ។
អវត្តមានគេ មានអារម្មណ៍ថា ផ្ទះនេះទទេដោយគ្មានគេ។ ទោះបីជាខ្ញុំធ្លាប់មានគេនៅក្បែរក្នុងពេលដ៏ខ្លី តែបើគិតដោយស្មោះត្រង់នឹងខ្លួនឯង ខ្ញុំគិតថាខ្ញុំស្រលាញ់គេហើយ។ ប្រហែលជាវាជាស្នេហាដំបូង និងមិនងាយមានអ្វីមកជំនួស។ ខណៈពេលដែលខ្ញុំកំពុងពិនិត្យមើលបញ្ជីថា អ្វីខ្លះត្រូវទិញមករៀបចំ ស្រាប់តែញញឹមម្នាក់ឯងព្រោះគិតអំពីស្នាមថើបដែលយើងបានផ្តល់ចំពោះគ្នា។ ខ្ញុំចាប់ផ្តើមជឿថា ស្ថានភាពពិបាកស្មានណាស់។ បើថាគេជាមនុស្សល្អរក្សាសន្យា ក៏...Armani នឹងមិនថើបខ្ញុំបែបនេះទេ
ជម្រះបញ្ជីមុនរៀបការ មនុស្សទីមួយនៅក្នុងបញ្ជីដែលខ្ញុំត្រូវបានលូកាប្រើឱ្យជម្រះ គឺ Fontana ។ ជននេះមានវ័យ កណ្តាល ជាមនុស្សដែលបានជួញដូរគ្រឿងញៀនក្នុងប្រទេសអ៊ីតាលីអស់មួយឆ្នាំជាងមកហើយ ដោយគិតថា គេអាចលាក់កំបាំងការសំងំរកលុយមិនបង់ភាគរយឱ្យក្រុមម៉ាហ្វីយ៉ា។ ចិតសិបពីរម៉ោង! ខ្ញុំបានកំណត់ម៉ោងរោទិ៍នៅលើទូរសព្ទរបស់ខ្ញុំ មុនពេលបើកបរពី Marghera ទៅ Bari ដែលនៅត្រើយម្ខាងទៀតនៃប្រទេសអ៊ីតាលី។
ភ្ញាក់ឡើងជាមួយគេ ខ្ញុំដឹងខ្លួនឡើង ឃើញរាងកាយរបស់Armani ពាក់កណ្តាលគ្របពីលើខ្ញុំ មុខរបស់គេចុចចូលកញ្ចឹងកខ្ញុំ ហើយដៃរបស់គេបានចាក់សោជុំវិញខ្ញុំ។ មេឃនៅងងឹតក្រៅបង្អួច។ ខ្ញុំចង់ក្រោកពីព្រលឹមដើម្បីឆុងកាហ្វេនិងមើលទីក្រុងដែលទើបមកដល់នេះ ប៉ុន្តែខ្ញុំមិនហ៊ានធ្វើឱ្យគេភ្ញាក់ទេ។ ប្រសិនបើArmaniកាន់ខ្ញុំយ៉ាងណែនក្នុងដំណេកមួយយប់ទល់ភ្លឺ មានន័យថា គេចូលចិត្តខ្ញុំមែនទេ? ឱ! អាចទេ....ប្រហែលជាប្រុសដ៏សង្ហាម្នាក់នេះកំពុងតែព្យាយាមនឹងរៀនស្រលាញ់ខ្ញុំ....ហើយមិនគ្រាន់តែគិតថាខ្ញុំជាប្អូនស្រីតូចរបស់Misha ដែលគេជាប់សន្យាជាមួយនោះទេមែនទេ?
កូនក្រមុំល្ងង់ៗរបស់ខ្ញុំ បទពិសោធន៍ដំបូងរបស់Tiana នៅទីក្រុងVenice គ្មានអ្វីគួរឱ្យភ្ញាក់ផ្អើលច្រើនទេ មុខរបស់នាងភ្លឺ ហើយភ្នែករបស់នាងរំភើបពេលឈានដល់ផ្ទះនាថ្ងៃទីមួយ។ ព្រះគ្រីស្ទ! វាជាការផ្លាស់ប្តូររបត់ជីវិតដ៏អស្ចារ្យមួយពេលមានស្រីម្នាក់មកដល់ដូចជានាង នៅកន្លែងមួយដែលខ្ញុំធ្លាប់តែស្ងប់ស្ងាត់ម្នាក់ឯង។ ទោះបីជានាងនៅតែមានអាការៈប្រុងប្រយ័ត្នខ្ពស់អំពីគ្រប់យ៉ាង ក៏នាងហាក់ដូចជាបានសម្រាកចិត្តល្ហែល្ហើយ នៅក្រោមទ្រូងរបស់ខ្ញុំ។
ជីវិតថ្មីរបស់ធីអាណា ខ្ញុំឈរភាំងសម្លឹងជាតិភេសជ្ជៈដែលAlekបានកុម្ម៉ង់ទិញឱ្យខ្ញុំ។ ពួកយើងនិងប្របន្ធរបស់បងមីស្ហា នៅក្នុងកង់ទីនអាហាររង់ចាំមើលលទ្ធផលពីកិច្ចប្រជុំធំខាងក្នុងអាគារ។ គ្រប់យ៉ាងវាមិនងាយស្រួលទេ? ឬមួយ ខ្ញុំរំពឹងទុកតែរឿងអាក្រក់? ទោះបីយ៉ាងណា គិតពីអាម៉ានី ខ្ញុំហាក់បីដូចជាកកក់ក្តៅ។ ជាងនេះទៅទៀតអាឡិចប្រាប់ថា ឃើញប៉ិKarlinចាកចេញដោយទឹកមុខមិនល្អទេ។ ខ្ញុំលបសប្បាយអរ តែខ្ញុំមិនបានងាកក្រោយសម្លឹងជនកំណាចឡើយ។ ទោះយ៉ាងណាក៏ដោយ ខ្ញុំទុកពេលឱ្យខ្លួនឯងនៅឆ្ងាយពីពួកបុរសដ៏មានអំណាចទាំងអស់ ដែលកំពុងតឹងតែងសម្តីដាក់គ្នានៅក្នុងបន្ទប់តែមួយ។
ភាពតានតឹង នៅ St. Monarch ឥឡូវនេះក្រុមយើងកំពុងរង់ចាំ Misha មកដល់។ ព្រឹកមិញ ពេលភ្ញាក់ឡើងខ្ញុំបានកុម្ម៉ង់ទិញ យកសម្លៀកបំពាក់អនឡាញ ឱ្យTiana៥ឈុត ជារ៉ូប ជាខោប៊យ និងជាឈុត។ ហើយគិតថា ពេលខ្ញុំទំនេរនឹងយកនាងទៅផ្ទះខ្ញុំ រៀបចំទូ ដើរShopping។ល។ រឿងចំពោះមុខគឺ នាងកំពុងតែជាមនុស្សខូចចិត្តមុនពេលមានការសម្រេចចុងក្រោយថា នាងនឹងទៅជាភរិយាអ្នកណា។ មុនពេលមេខ្ញុំសម្រេចកាត់ក្តីថាបងនាងឬប៉ានាង ដែលមានសិទ្ធិរើសប្តីឱ្យនាង គ្មានអ្វីដែលខ្ញុំអាចយកទៅនិយាយ ធ្វើឱ្យនាងស្ងប់ចិត្តបាននៅឡើយទេ។
ការសម្រេចរបស់មេម៉ាហ្វៀ «Viktor នឹងសម្រេចថាអ្នកណា ដែលនាងនឹងរៀបការជាមួយ!» «អូព្រះ! ចុះបើគេព្រមជាមួយKarlin?» នាងត្អូញយំ៖ «គេ....នឹងជ្រើសរើស Karlin! សម្ព័ន្ធBratva ចង់បានអាជីវកម្មរបស់Karlin!» ការភ័យស្លន់ស្លោរឹតបន្តឹងសំឡេងរបស់នាង៖ «ហើយជាមួយKarlin គេនឹងដាក់ទោសខ្ញុំពីបទរត់គេចខ្លួន»
ព្រះប្រទានគេជាគូដណ្តឹងខ្ញុំ? បង Misha រៀបចំឱ្យខ្ញុំរៀបការជាមួយ Armani? ខ្ញុំសឹងមិនអាចជឿអ្វីដែលកំពុងតែឮមកនេះទេ។ មានគំនិតជាច្រើនដែលហក់ចូលក្នុងក្បាលរបស់ខ្ញុំ វាពិបាកក្នុងការផ្ដោតលើអ្វីមួយឱ្យបានយូរក្រោយខ្ញុំចួបរឿងកំណាចហួសហេតុពេកពេញមួយល្ងាចនេះ។ មានអារម្មណ៍ថាខ្ញុំជាប់គាំងនៅក្នុងភាពងឿងឆ្ងល់។ បន្ទាប់ពី Armani សុំមើលស្នាមរបួសលើខ្នងរបស់ខ្ញុំ គេក្រោធខឹងខ្លាំង។ ឫកពាពិតរបស់គេពេលនេះ បានធ្វើឱ្យខ្ញុំភ័យស្លន់ស្លោ។ គួរឱ្យរន្ធត់ណាស់ ពីរបៀបដែលគេធ្លាប់ញញឹមយ៉ាងសុភាព ក្លាយមកជាបុរសដ៏កាចនិងរឹងរូស បញ្ជា ដាច់ណាត់និងទៅជាម៉ាហ្វៀដ៏ត្រជាក់ មួយវិនាទីនីមួយៗខ្ញុំគិតថា ដល់មនុស្សស្រីម្នាក់ៗដែលត្រូវប្រឈមពេលស្វាមីនាងខឹង។
បេះដូងអាម៉ានី ពេលនេះ ពេលវេលាហាក់ទ្រឹង។ ខ្ញុំកំពុងអង្គុយបិទភ្នែករំងាប់ចិត្តយ៉ាងមួម៉ៅ រង់ចាំឱ្យយន្តហោះបោះពួយ។ ក្នុងចិត្តខ្ញុំ មនុស្សឈ្មោះ Karlin Makarova គឺជាអ្នកលក់អាវុធ សាហាវឃោរឃៅ ក៏ជាសត្រូវរបស់Bratva ដោយសារហើយហ៊ានអើតក្បាលទៅពាណិជ្ជកម្មនៅទីក្រុងមូស្គូដោយគ្មានការអនុញ្ញាតពី Viktor ទេ។ សំណួរធំគឺ ខ្ញុំមិនយល់ថាហេតុអ្វីបានជាឪពុកធម៌នាង ព្រមរៀបការនាងឱ្យបុរសកំណាចពាលម្នាក់នោះ Tiana? ហើយខ្ញុំកំពុងឆ្កួត!!!! នាងមិនសមបន្តិចណាទេនឹងវាម្នាក់នោះ?
«អាម៉ានី! ជួយខ្ញុំផង!» សំឡេងខ្ញុំខ្សឹកខ្សួលលាយទឹកភ្នែក ហើយអារម្មណ៍របស់ខ្ញុំក៏រំជើបរំជួលអស់ទ្រាំ។ «ខ្ញុំមិនដឹងថាត្រូវធ្វើយ៉ាងណាទេ! ពិតមែន!» «ធីអាណា នាងនៅឯណា?» «ខ្ញុំកំពុងរត់ឆ្ពោះទៅទីក្រុង» «រត់? រត់គេចពីអ្វី? ខ្ញុំទៅភ្លាម! ប្រាប់ច្បាស់មកធីអាណា?» «Karlin Makarova! លោក...លោកប៉ាAslanhov បានរៀបចំអាពាហ៍ពិពាហ៍រវាងខ្ញុំនិងគេ ហើយខ្ញុំត្រូវដឹកមកវិមាន.....វិមានគេ! ខ្ញុំព្យាយាមទប់ទល់រហូតដល់បង Misha ចប់ការក្រេបទឹកឃ្មុំវិញ ប៉ុន្តែខ្ញុំមិនអាចធ្វើបានទេ គេវាយខ្ញុំ! គេវាយខ្ញុំអាម៉ានី!» «ផ្ញើទីតាំងមកខ្ញុំ! ឥឡូវ! អាធីណា!»
បើកឈែតចាស់របស់ខ្ញុំជាមួយ Misha ខ្ញុំចាប់ផ្តើមវាយឮអក្សរ៖ «បង! ខ្ញុំត្រូវការឱ្យបងត្រលប់មកផ្ទះភ្លាម! ប៉ាម៉ាក់ធម៌ Aslanhov បានបង្ខំរៀបចំអាពាហ៍ពិពាហ៍ឱ្យខ្ញុំជាមួយម្នាក់កំណាចឈ្មោះ Karlin Makarova! គេគឺជាសត្វចម្លែក Misha! គេស្តីឱ្យខ្ញុំ ហើយទះមុខខ្ញុំ! មកផ្ទះហើយបញ្ឈប់រឿងនេះបានទេ? ខ្ញុំចង់មានសុភមង្គលក្នុងអាពាហ៍ពិពាហ៍ដូចបងដែរ! មើលចុះស្នាមលើមុខខ្ញុំ!» សរសេរផងយំផង ហើយខ្ញុំសម្លឹងមើលសំណេរខ្លួនឯងម្ដងទៀត ចុងបញ្ចប់ខ្ញុំបានលុបសារចោល។ ដោយដកដង្ហើមធំ ខ្ញុំបិទភ្នែក។ ពិតណាស់ ខ្ញុំមិនដែលមានអារម្មណ៍ឯកាបែបនេះទេក្នុងជីវិតរបស់ខ្ញុំ។ យប់នេះ ខ្ញុំឈឺណាស់ ទាំងកាយនិងចិត្ត ហើយគ្មានអ្នកណាទាំងអស់។
មិត្តដ៏សង្ហារបស់បងប្រុសខ្ញុំ ខ្ញុំមិនដេកទេ ព្រោះដេកមិនលក់ដាច់ខាត។ ដៃខ្ញុំក៏វាយពាក្យ Piccola ចូលក្នុង Google ចង់ដឹងអត្ថន័យ។ Piccolo មានន័យថាតូច ច្រម៉ក់ អាចជាពាក្យនៃសេចក្តីស្រលាញ់សម្រាប់កុមារតូចៗ។ អាម៉ានីគិតថាខ្ញុំនៅក្មេង? ដោយដកដង្ហើមធំ ខ្ញុំទម្លាក់ទូរសព្ទលើគ្រែ ហើយមិនចង់ចេញទៅញ៉ាំអាហារពេលយប់ជាមួយ Karlin ទាល់តែសោះ។ តែ....ខ្ញុំក៏ត្រូវបង្ខំទាញខ្លួនខ្ញុំទៅក្បែរទូខោអាវរបស់ខ្ញុំ ដើម្បីផ្លាស់ប្តូរពីអាវយឺតនិងខោជើងវែងដ៏កក់ក្ដៅរបស់ខ្ញុំចេញមកជារ៉ូប។ ធុញទ្រាន់.....ដែលArmani ទុកខ្ញុំជាកូនក្មេង។ គេនិយាយថា មនុស្សប្រុសស្រលាញ់ស្រីក្មេង តែចង់រៀបការជាមួយនារីចាស់ចិត្តចាស់គំនិត។ មានន័យថា គ្មានសង្ឃឹមថាគេចង់ឬចាប់អារម្មណ៍មករៀបការជាមួយខ្ញុំទេ។
គេកៀកកខ្ញុំបណ្តើរមកឆ្ងាយហើយសួរ៖ «នឹកម្នាក់នៅរុស្ស៊ី!» ធីអាណានិយាយទៅប្រៀបដូចជាប្អូនស្រីតូចមួយរបស់Alekដែរ ដូច្នេះខ្ញុំព្រមសារភាព៖ «គេ....ធីអាណា! បាទ! គេស្អាត....ហើយមានចរិតល្អ» គេច្រានខ្ញុំហើយបាញ់ចំមុខដោយពាក្យពេចន៍រូៗ៖ «ស្អី! នៅខ្វះច្រើនទៀត!!! ធីអាណា ទេពធីតាដ៏គួរឱ្យស្រលាញ់បំផុតទូទាំងរុស្ស៊ី»។ «ទូទាំងពិភពលោក បានទេ»
យើងរាំជាមួយគ្នា ខ្ញុំបាននៅកៀកកិតជានិច្ចជាមួយភាគី Tiana Petrov ហើយនៅពេលថាសបង្អែមចុងក្រោយត្រូវបានលើកមកដល់ ខ្ញុំបានផ្អៀងទៅរកនាងហើយខ្សឹបថា៖ «ពេលដែលMishaនិងAuroraបើកឆាករាំ យើងនឹងចូលរួមជាមួយពួកគេ!» សក់របស់Tianaប៉ះថ្ពាល់ខ្ញុំ ពេលនាងឆ្លើយថា៖ «ខ្ញុំមិនចេះរាំទេ» ខ្ញុំសើចចំអក៖ «យើងនឹងឈរនៅកន្លែងមួយ ហើយយោលទៅមកជាមួយគ្នា!» នាងឈោងទៅរកកែវទឹករបស់នាងព្រោះអៀនខ្លាំង ដូច្នេះបុកពេញខ្លួននិងកំពប់។ នាងប្រញាប់ចាប់យកកន្សែងក្រដាសមកជូតទឹកផ្តិតចេញ។ រើសកន្សែងខ្លួនឯងមួយដែរ ខ្ញុំលូកមកជួយនាងសម្អាតភាពរញ៉េរញ៉ៃ។ ស្នាមញញឹមបង្ហាញជុំវិញមាត់របស់ខ្ញុំ ពេលឮនាងរអ៊ូភាសារុស្ស៊ី dammit។
អាម៉ានី-Armani មីស្ហានាំប្អូនស្រីគេមកមង្គលការគេ។ ពួកយើងស្និទ្ធណាស់ តែប្អូនគេ ធីអាណា កំពុងអង្គុយតុជាមួយខ្ញុំ ខ្ញុំមានអារម្មណ៍ចម្លែក។ ប្រវត្តិខ្ញុំនិងបងប្រុសគេមានច្រើនណាស់ ហើយសម្ងាត់ទៀត។ យើងឆ្លងកាត់ឆាកស៊ីសាច់ហុតឈាម ព្រោះខ្ញុំជាក្បាលម៉ាស៊ីនសំខាន់មួយ របស់ត្រកូលម៉ាហ្វីយ៉ា Bratva ហើយយើងធ្លាប់ប៉ះឆាកឆ្លាប់រស់ច្រើន មីស្ហាបានប្តូរជីវិតសង្គ្រោះខ្ញុំ។ ចួនកាលយើងអាចស្លាប់គ្មានព្រៀងទុកបានទេ។
គ្រាន់តែចំណងជើងក៏ឆាបឆួលដែរ ចាំអង្កាល់ទៀតទើបអាន? ======= ធីអាណា-Tiana Petrov ពិភពលោកមួយដែលខ្ញុំបានស្គាល់និងកំពុងរស់នៅ គឺឃោរឃៅ។ ខ្ញុំកើតមកដោយដឹងក្តីឡើង គ្មានអ្វីដែលងាយស្រួលនោះទេ។ ខ្ញុំមិនចាំទាំងមុខឪពុកម្តាយបង្កើតនិងមិនទទួលព័ត៌មានច្បាស់ថា អ្វីទៅដែលបានកើតឡើងចំពោះពួកគេផងទេ។ ការចងចាំធំបំផុតរបស់ខ្ញុំគឺមីស្ហា ដែលជាបងប្រុសរបស់ខ្ញុំ អ្នកដែលឱបខ្ញុំយ៉ាងជាប់នៅរាល់រដូវរងាសឹងកករាងកាយកូនកំព្រាដូចពួកយើង។ ក្រាក.....ទ្វារធំមួយបានបញ្ចេញទំនួញវា ដោយបើកនិងបិទជិតទៅវិញ។ ទីបំផុតយើងអាចគេចពីទឹកកកធ្លាក់និងខ្យល់កករឹង ព្រោះមណ្ឌលកុមារកំព្រាបានយកយើងទៅជ្រក ទោះណាជាមិនមានអារម្មណ៍ថាដូចផ្ទះក្តី។
បន្ថែមទៀត

Meysansotheary © 2024.