Menu

រឿង៖ ស្នេហ៍មួយនេះកុំប្រាប់អ្នកណា

គេគិតថា យើងដូចម្តាយគេនឹងចាកចេញទៅស្រុកបារាំង។ «ប្តីនាងជាមនុស្សឆ្កួត!» សំឡេងមនុស្សស្រីពាក់អាវហូឌីប្រាប់ មុនត្រូវបានសម្លាប់។ តាមពិតទៅយប់នេះ គេចង់សម្លាប់យើង ឬមួយក៏គេគិតថាយើងធ្វើលំនាំដូចជាម្តាយរបស់គេចេញទៅស្រុកបារាំងចោលគេ? គេឆ្កួតពិតមែន! យើងធ្លាប់និយាយអំពីស្រុកបារាំងពីពេលណាមក? តែបើគេឆ្កួតមែន មានហេតុផលអ្វីសមរម្យទៅ? នាងភ័យណាស់ ខណៈពេលដែលមន្ត្រីចាប់ផ្ដើមដើរឆ្ពោះមក។ ពីនេះទៅកន្លែងរបស់គេប្រហែលជាម្ភៃម៉ែត្រដែរ តែនាងមើលឃើញកន្ត្រៃច្បាស់ លើដៃស្តាំរបស់គេ។ នេះរបៀបគេសម្លឹងមនុស្ស។
នារីអាថ៌កំបាំង ម៉ាយ៉ាវីនភ្ញាក់ដឹងខ្លួនឡើងឃើញខ្លួនឯងនៅលើគ្រែមួយដែលទន់ភ្លន់ តែពិតណាស់ជាគ្រែដែលនាងធ្លាប់ស្គាល់ពេលគេងជាមួយគេមុនរៀបការ។ ដោយសភាពតក់ស្លុតនៅតែបុករុក រាងកាយនាងត្រូវការចងចាំរំញោចមកបណ្តាលឱ្យស្ទុះក្រោកតក់ក្រហល់មិនខ្វល់ថា ម៉ោងប៉ុន្មាន អ្នកណានៅទីនេះ ឬមានអ្វីកើតឡើងទាំងអស់។ ម្តាយមីងនាងដាក់ទូរសព្ទចុះ ហើយក្រោកដើរមក។ គាត់មានទឹកមុខគ្រលួងៗខ្វល់ខ្វាយ។ «ប្តីខ្ញុំនៅឯណា?» «កំពុងតែជិះយន្តហោះមក!» ម្តាយមីងរបស់នាង គាត់សម្លឹងហើយឆ្លើយតបបែបនេះ។ ម៉ាយ៉ាវីជ្រួញចិញ្ចើម។ នាងពត់ខ្លួនខណៈឮគាត់សួរ៖ «មានរឿងអ្វី?» «ក្រែង....គេនៅទីនេះ....កាន់កាំបិតមួយ....ប្រុងចាក់....ខ្ញុំ!»
វគ្គ ប្រអប់ពណ៌ខ្មៅ នៅផ្ទះឯភ្នំពេញ ម៉ាយ៉ាវីចាប់ផ្តើមរុករកបណ្តាអំណោយរៀបការដែលមិនទាន់ស្រាយមើល។ វាគរសឹងមួយចំហៀងបន្ទប់គេងរបស់ពួកគេ។ ក្នុងចំណោមនោះមានប្រអប់ពណ៌ខ្មៅមួយត្រូវបានរកឃើញ។ មានអារម្មណ៍ថា អំណោយនេះតូចជាងគេបន្តិច ហើយក្រឡុកស្តាប់ហាក់មានដែកខាងក្នុង? តើជាអ្វី? នាងបានកត់សម្គាល់អំពីវិធីចងបូយ៉ាងប្រណីតនិងផ្ចិតផ្ចង់នៅពីលើនោះ។ គ្មាននាមបណ្ណឬឈ្មោះទេ។ ប្រសិនវាជាគ្រឿងអលង្ការក៏គួរតែមានឈ្មោះម្ចាស់អំណោយ? នាងបានបកវាចេញថ្នមៗ បន្ទាប់មកវត្ថុខាងក្នុងគឺកូនសោមួយ។ សោចាស់ សម្រាប់ចាក់។ កូនក្រដាសមួយសរសេរដៃ «ស្វាគមន៍មកកាន់ពិភពងងឹត! វិមានបារាំងខេត្តពោធិ៍សាត់»។
វគ្គ រាត្រីស្នេហ៍ «ខ្ញុំបានរើសយកឈុតក្រហម!» នាងសរសេរទៅគេ ពេលនៅម្នាក់ឯង។ ពេលនេះមានសូរសត្វរាត្រីចរយំលាន់ទ្រហឹង។ អាកាសធាតុត្រជាក់ ចិត្តនាងស្លុងក្នុងរ៉ូមែនទិកហើយនឹកនាគេជាខ្លាំង។ «ល្អណាស់!» គេតបមកវិញអមជាមួយរូបបេះដូង។ «លោកនៅឯណា? ខ្ញុំនៅម្នាក់ឯង!» «ដឹង! បងបានចួបនិយាយខ្លះ ជាមួយម្តាយមីងអូននៅមាត់ផ្លូវ កាលពីពេលជូនគាត់ត្រលប់ទៅស្នាក់ផ្ទះខាងមុខវិញ!» «គាត់ថាម៉េចខ្លះ!» «គាត់សប្បាយចិត្ត!» «ខ្ញុំក៏ដូចគ្នា!» នាងសរសេរដោយញញឹម។ «ដឹង!» គេមិនមែនសរសេរមកទេ តែជាសំឡេងគេផ្ទាល់ពីមាត់ទ្វារបន្ទប់។ នាងងើបមុខ ក៏ឃើញគេរុញទ្វារចូលមក។
«គ្មានស្រីណា.....ស្រីអ្នកគំនូរណា ស្អាតដូចយ៉ាវីទេ!» គេរៀបរាប់។ «ស្រលាញ់តែភាពស្អាត?» «យកមិនស្អាតមកធ្វើអី?» «ស្អាតអមតៈមិនមែន?!» «តែក៏គួរផ្តើមដោយស្អាត!» «លោកនេះមានស្រីស្អាតរាប់លាននាក់ គិតយកគេអស់ដែរ?» នាងថាហើយងាកមុខចេញ លែងដៃពីខ្លួនគេទាំងតូចចិត្ត។ តែមន្ត្រីទាញយកនាងមកវិញហើយ ឱនមកឱបខ្សឹបខ្សៀវថា៖ «កុំង៉ក់! នេះជាពេលវេលារបស់យើង!»
វគ្គ ស្នេហាជ្រៅក្នុងបេះដូង មិនបានញ៉ាំអាហារពេលព្រឹកយូរទេ នាងរៀបខ្លួនចាកចេញពីផ្ទះទៅចួបមុនិន្ទ។ នោះជាកូនតៀមកាហ្វេបង្កប់ម្លប់ធម្មជាតិមួយនៅចុងផ្លូវក្បែរៗវិមាននេះប៉ុណ្ណោះ។ នាងដើរទៅដោយថ្មើរជើង។ នាងដើរម្នាក់ឯងក្រោមអាកាសធាតុល្អ ហើយក្រឡេកឃើញមុនិន្ទពីចម្ងាយ។ គេអង្គុយអានសៀវភៅ រង់ចាំ។ «ច្រើនឆ្នាំហើយ ទម្លាប់ឱបសៀវភៅមិនចោលទេ?» គេងើបមុខញញឹមជំនួសចម្លើយដៃបត់សៀវភៅទុកទៅម្ខាង។ នាងក៏អង្គុយមកដោយស្និទ្ធស្នាល។ សម្រាកដោយដកដង្ហើមវែងៗ នាងបញ្ជាទិញទឹកតែ ទើបងាកមករកអតីតសង្សារដែលតែទុកចិត្ត។
វគ្គ សារសុំស្រលាញ់ ចេញពីបន្ទប់ទឹក ចិត្តមន្ត្រីបានផ្តោតយ៉ាងខ្លាំងទៅលើគំនិតនាង។ គេមិនដឹងនាងខឹងឬគិតបែបណា តែដឹងថានាងមានស្នេហាលើគេ ហើយនាងត្រូវការពេលវេលាដើម្បីយល់ព្រម។ គំនិតដែលថានាងកំពុងលេងល្បែងចែចង់លំដាប់ខ្ពស់ជាមួយគេ ត្រូវបានរំសាយចេញព្រោះនាងគឺ ព្រហ្មចារី។ រយៈពេលដ៏ខ្លីនេះ អាកប្បកិរិយារបស់នាងបញ្ជាក់នូវអ្វីគ្រប់យ៉ាងអំពីនាង។ «ខ្ញុំស្រលាញ់យ៉ាវីខ្លាំង! ធ្វើជាសង្សារគ្នាទៅបានទេ!»
វគ្គ អាហាររ៉ូមែនទិក «ឡានរៀបចំរួចចាំនៅក្រោមអ្នកនាង!» លេខាមីនឡើងមកប្រាប់ ហើយសម្លឹងឈុតសរបស់នាងគ្រវីភ្នែកពីលើដល់ក្រោម។ «មិនមែនញ៉ាំទីនេះទេ?» នាងភ្ញាក់ផ្អើល។ ពេលយ៉ាវីចុះទៅដល់ ខាងប្រុសឈរភាំងសម្រស់។ នាងមានសិល្បៈតុបតែងខ្លួនណាស់។ នាងសាមញ្ញនិងស្រស់បំព្រងដោយមិនបាច់មានគ្រឿងប្រណីត។ បបូរមាត់មានពណ៌កុលាប ត្រូវនឹងឈុតស ដៃតូច ល្វត់ល្វន់រេរាំតាមខ្យល់។ ខាងប្រុសគ្រងឈុតបារាំងពណ៌ខ្លាញ់ក្តាម។ នាងមិនយល់ទេ ហេតុអ្វីគេធ្វើខ្លួនសង្ហាយ៉ាងនេះ?
វគ្គ កុងត្រាដ៏ថ្លៃ ម៉ាយ៉ាវី បានចួបគេម្តង នៅឯការតាំងពិព័រណ៍វិចិត្រសាលមួយ ពេលម្តាយមីងនាងដាក់តាំងលក់គំនូរ។ ដោយសារខឹងម្តាយមីង នាងបានស្លៀកខោខូវប៊យនិងអាវយឺតទៅកម្មវិធី ដោយមិនចាប់អារម្មណ៍ថាអ្នកណាគិតបែបណា។ នេះបានក្លាយជាហេតុផលមួយចំនួន ញ៉ាំងឱ្យកូនប្រុសសេដ្ឋីម្នាក់ឈ្មោះ មន្ត្រី បានស្នើសុំអ្នកស្គាល់ ជួយណែនាំនាងឱ្យទៅគេ។ ម្តាយមីងរបស់យ៉ាវីខកចិត្តណាស់ ដោយត្រូវក្មួយស្រីស្រស់ស្អាតម្នាក់ស្លៀកពាក់ឱ្យបាក់មុខ។ ផ្ទុយទៅវិញ ប្រហែលជាដោយសារនាងមិនដូចពួកនារីទាន់សម័យ ជីករករ៉ែមាសដទៃក្នុងពីធី នាងបែរជាត្រូវបានចាប់អារម្មណ៍។
បន្ថែមទៀត

Meysansotheary © 2024.