យោបល់ខ្ញុំ ការអានសៀវភៅជាការសិក្សាដ៏មានអត្ថប្រយោជន៍សម្រាប់ខ្ញុំ។ ផលជាច្រើននៃការអានសៀវភៅដូចជាមានដូចជា ការចេះវាក្យសព្ទ រៀនពាក្យថ្មីៗជាច្រើនបន្ថែមឡើងជារៀងរាល់ថ្ងៃ និងបន្ថែមសមត្ថភាពយល់ដឹង ការអត់ធ្មត់ និងជំនាញទន់ដល់បុគ្គលិកលក្ខណៈរបស់អ្នកអាន។
ខ្ញុំមានកូនពីរនាក់ ដែលចូលរៀនសាលាអន្តរជាតិតាំងពីតូចៗ ។ ដោយសារការងាររវល់ខ្លាំង ឱពុកម្តាយមិនសូវបាននៅក្បែរ ជួបគ្នាតែពេលយប់សែនហត់នឿយ ពួកគេនៅឆ្ងាយពី ការស្តាប់ភាសាជាតិនិងមិនដែលតាមដានវិទ្យុ ឬមើលទូរទស្សន៍។
![](https://www.meysansotheary.com/wp-content/uploads/2024/07/៨-1024x623.jpg)
ទូរសព្ទដៃពួកគេ គឺជាថ្នាលភាសាអង់គ្លេស។ ជាមួយនោះ ការស្តាប់ចម្រៀង ក៏មានទំនោរទៅរកបរទេស។
ខ្ញុំមានការបារម្ភយ៉ាងជ្រៅ។ ពីមុនជំនាន់ខ្ញុំខ្សោយអង់គ្លេស លំបាកធ្វើការងារជាមួយភ្នាក់ងារអន្តរជាតិ និងការស្រាវជ្រាវនានា តែពេលនេះពួកគេខ្សោយនិយាយនិងសរសេរខ្មែរ តើនឹងលំបាកកម្រិតណាទៀត?
យើងមិនអាចមានអ្វីពីរក្នុងពេលតែមួយទេ តែកូនៗនឹងមានសមត្ថភាពអស្ចារ្យឡើងៗ ប្រសិនយើងដឹងទាន់ថាពួកគេត្រូវការអ្វី។
ការអានរឿងនិទានឬរឿងប្រលោមលោកវ័យជំទង់ ជាវិធីរៀនយ៉ាងល្អមួយ។ អ្នកអាននឹងមានឱកាសរៀនពាក្យ ហើយប្រសិនយើងចេះជ្រើស នោះសៀវភៅខ្លះនឹងធ្វើឱ្យបុគ្គលិកលក្ខណៈរបស់ពួកគេកាន់តែប្រសើរឡើងតាមរបៀបរបបខ្មែរ។
![](https://www.meysansotheary.com/wp-content/uploads/2024/07/៨៩-1024x623.jpg)
កុំយកសៀវភៅដែលមានសន្ទនា ស្ទើកូរ៉េស្ទើតែថៃឬជាតិសាស្ត្រផ្សេង ព្រោះពួកគេទទួលយកច្រើនពេកមកហើយលើបណ្តាញសង្គម។ គួរជ្រើសប្រលោមលោកបែបខ្មែរ បុរាណឬទំនើប ព្រោះជាការល្អសម្រាប់បំប៉នដល់អ្វីដែលកូនៗកំពុងខ្វះ។
អំពីចំណេះដឹង ពិតណាស់ យើងមានសៀវភៅរាប់រយ ដល់ពាន់ ចំណងជើងដែលនិពន្ធឡើងដោយអ្នកនិពន្ធដែលមានទេពកោសល្យនិងការទទួលខុសត្រូវ។ ពួកគេបានដាក់ការងារនិងសេចក្តីខិតខំពេញមួយជីវិតទៅក្នុងបទនិពន្ធនិមួយៗ។ ការអានបទអ្នកនិពន្ធបរទេស នឹងយល់ដឹងអំពីវប្បធម៌ផ្សេង ទីកន្លែងថ្មី មនុស្សដែលរស់នៅបែបផែនខុសៗគ្នា និងរបៀបដែលពួកគេដោះស្រាយជាមួយជីវិតក្នុងបរិបថរបស់ពួកគេ។ ឯសៀវភៅខ្មែរ នឹងនាំយើងឱ្យស្គាល់បន្ថែមអំពីខ្លួនយើង។
សៀវភៅក៏ជាការកំសាន្តដ៏ល្អផងដែរ។ ប្រសិនបើយើងអាច អភិវឌ្ឍចំណង់ចំណូលចិត្តអាននេះ មែន កូនៗមិនចាំបាច់ពឹងផ្អែកលើរបស់ផ្សេងទៀតដើម្បីកម្សាន្តទេ ហើយពួកគេ អាចយកសៀវភៅតាមរាល់ពេលធ្វើដំណើរ អាចអានវានៅពេលដែលមិនមានអ្វីត្រូវធ្វើ អានសមាធិគេចចេញពីការពិតដែលស្ត្រេសម្តងៗ ឬទុកថាអំណានជា បទពិសោធន៍ដ៏អស្ចារ្យថ្មីជានិច្ច។
ចុចទីនេះអានរឿងជាច្រើនជាមួយកូនៗលោកអ្នក
https://www.meysansotheary.com/archives/category/book-international
អាចជាវសៀវភៅទាំងនេះផងដែរ៖
![](https://www.meysansotheary.com/wp-content/uploads/2024/07/Facebook-cover-766x1024.jpg)
![](https://www.meysansotheary.com/wp-content/uploads/2024/07/photo_2024-02-02_16-19-03.jpg)
![](https://www.meysansotheary.com/wp-content/uploads/2024/07/viriya-lim-2019-5.jpg)
![](https://www.meysansotheary.com/wp-content/uploads/2024/07/cover-size_sPEsƒAEsPasƒasPAsP¦sPysPsPOន-681x1024.jpg)
ចុចអានអត្ថបទល្អ ដើម្បីក្លាយជាអ្នកដឹកនាំដែលមានចិត្តស្ងប់
យល់យ៉ាងណាដែរចំពោះសាច់រឿងខាងលើ