អ្នកនិពន្ធម៉ីសនសុធារី បានចងក្រងកម្រងប្រលោមលោករឿង គម្រោងការសម្ងាត់២០៣៥ ដោយ ប្រើនាមប៉ាកកាថា សុភាប្រុស សម្រាប់បញ្ជាក់ប្រភេទប្រលោមលោកស៊ើបអង្កេត។
នៅឆ្នាំ២០១៨ លោកស្រីមានប្រសាសន៍ ថាខ្សែរឿងនេះស្មុគស្មាញខ្លាំង ព្រោះមានបញ្ចូលចារកម្មបច្ចេកវិទ្យា ហើយថា សរសេរបានសម្រេចដោយមានកម្លាំងចិត្តពីមិត្តអ្នកអានតែប៉ុណ្ណោះ។
មិត្តអ្នកអានម្នាក់ គឺលោក ឆិន ដាន នៅផ្សារអូឡាំពិកបានលើកឡើងថា លោកតាមដាននិងស្គាល់អ្នកនិពន្ធ ម៉ីសន សុធារី តាមរយៈ នាមប៉ាកាសុភាប្រុសនេះ គឺលោកនិងមិត្តភក្តិចូលចិត្តប្រភេទរឿងស៊ើបអង្កេត។ តែទោះយ៉ាងណា លោកបានអះអាងថា កម្រងរឿង គម្រោងការសម្ងាត់២០៣៥ នេះ ស៊ីជម្រៅ និងទាក់ទាញជាងខ្សែរឿង ស្ទូឌីយោលេខ៧ទៅទៀត។
![](https://www.meysansotheary.com/wp-content/uploads/2024/08/89-1-1024x763.jpg)
ជាង៥ឆ្នាំមកនេះប្រលោមលោក រឿង គម្រោងការសម្ងាត់២០៣៥ មានតែលើវេទិកាអនឡាញសម្រាប់អាន ដោយទើបតែសម្រេចការបោះជាសៀវភៅតាមការចង់បានរបស់ហ្វេន។
«ខ្ញុំមិនមានបំណងបោះពុម្ពច្រើនទេ! យើងផ្តោតលើអនឡាញ! ហើយយើងចង់ឱ្យគ្រប់គ្នាចំណាយតិច! តែអ្នកគាំទ្រ ភាគច្រើនចង់បានជាអនុស្សាវរីយ៍រក្សាទុក!» អ្នកនិពន្ធសង្កត់បញ្ជាក់។
រហូតដល់ឆ្នាំ២០២០ អ្នកស្រីបានបញ្ចប់កម្រងប្រលោមលោកស៊ើបអង្កេតថ្មី ក្រោមចំណងជើងថា #រូបខ្មៅស្រអាប់ ។ តែមកដល់ពេលនេះ គឺបាន៤ឆ្នាំមកហើយ មិនមានស្នាដៃសុភាប្រុសថ្មី លេចរូបរាងបាននៅឡើយ។
ស្នាដៃប្រលោមលោកស៊ើបអង្កេត នាមប៉ាកកាសុភាប្រុស រួមមាន រឿង ម៉ោង១២អាធ្រាត្រនៅសង្កាត់លេខមួយ (មានស្តុក) រឿង ស្ទូឌីយោលេខ៧ អស់ស្តុក រឿង សំណុំឯកសារZ22 អស់ស្តុក និង រឿង គម្រោងការសម្ងាត់២០៣៥ ទើបនឹងចេញលក់។ ប្រលោមលោកទាំងនេះ ក៏មានលើអនឡាញផងដែរ។
![](https://www.meysansotheary.com/wp-content/uploads/2022/01/6789-1024x608.jpg)
ទំនាក់ទំនងជាវសៀវភៅ សូមចុចទីនេះ
អានអនឡាញស្នាដៃមុនៗរបស់សុភាប្រុស
ប្រលោមលោកដែលសាងឈ្មោះឱ្យដល់ #សុភាប្រុស អាចចុចតាមតំណទាំងនេះ(សម្រាប់តែសមាជិកព្រីមៀម)
១ ស្ទូឌីយោលេខ៧
២ ម៉ោង១២អាធ្រាតនៅសង្កាត់លេខ១
៣ សំណុំឯកសារZ២២
៤ គម្រោងការសម្ងាត់២០៣៥
៥ រូបខ្មៅស្រអាប់
យល់យ៉ាងណាដែរចំពោះសាច់រឿងខាងលើ