សូ ស្រីម៉ិច ជាកម្មការិនីក្នុងរោងចក្រមួយកន្លែង បានប្រាប់ពីគោលបំណង ៣ធំៗ បន្ទាប់ពីរូបនាងបានសម្រេចចិត្តចូលរួមយុទ្ធនាការ១សែនអំណាន ដោយទទួលបានការរបស់អានដោយមិនគិតថ្លៃ លើវេបសាយឌីជីថលរបស់អ្នកនិពន្ធ ម៉ីសនសុធារី។
តាមរយៈបទសម្ភាសន៍ជាមួយក្រុមការងារកម្មការិនីសូ ស្រីម៉ិច បានបញ្ជាក់ឲ្យដឹងថា ”មូលហេតុទីមួយ ដែលធ្វើឱ្យខ្ញុំសម្រេចចិត្តចូលរួមក្នុងយុទ្ធនាការ១សែនអំណាន ដោយសារខ្ញុំចូលចិត្តអានសៀវភៅ នៅពេលដែលខ្ញុំមិនសប្បាយចិត្ត សៀវភៅអាចជួយខ្ញុំបានច្រើន ធ្វើឱ្យខ្ញុំចេះគិតពិចារណា ពីជីវិតនៅក្នុងសង្គមបច្ចុប្បន្ន”។
ជាមួយគ្នានេះដែរ ស្រីម៉ិច បាននិយាយអំពីចំណុចបន្ទាប់ទៀតថា កម្មវិធីនេះផ្ដល់អត្ថប្រយោជន៍បានច្រើនណាស់ដល់អ្នកអាន ដូចជា ធ្វើឱ្យយើងយល់ដឹងបានច្រើនមានគំនិតថ្មីៗសំរាប់យើងគិតពិចារណា ពេលដែលយើងឯកាសៀវភៅគឺដូចជាមិត្តរបស់យើងចឹង ហើយវាឱ្យយើងមានអារម្មណ៍ស្ងប់មានគំនិតបញ្ញានឹងស្មារតីរឹងមាំ។
ស្របពេលដែលចំណុចទី៣ កម្មការិនី សូ ស្រីម៉ិច បានបញ្ចាក់បន្កថែមទៀតថា នាងមានទម្លាប់ចូលចិត្តអានសៀវភៅបែបមនោសញ្ចេតនា ស្នេហា បែបបែកបាក់ព្រាត់ប្រាសគ្នាយ៉ាងណា ប៉ុន្តែនៅចុងបញ្ចប់គឺនៅតែបានជួបគ្នាវិញ គឺតែងតែកាន់អានមិនជិនណាយនោះទេ។
ក្នុងពេលដែលឥលូវនេះ នាងក៏ក្លាយជាសមាជិកក្រុមអានមិនគិតថ្លៃលើវេបសាយ meysansotheary វាជាឱកាសដ៏កម្រមួយ ដែលនាងទទួលបានក្នុងយុទ្ធនាការ១សែនអំណានរបស់អ្នកនិពន្ធ ម៉ីសន សុធារី។
លើសពីនេះ ស្រម៉ិចក៏សូមផ្ដាំផ្ញើក្នុងនាមជាកម្មការិនីថា គ្រប់គ្នាសុទ្ធតែអាចទទួលបាននូវការអានដោយមិនគិតថ្លៃដូចនាងផងដែរ។ ដោយគ្រាន់តែធ្វើការទំនាក់ទំនងចុះឈ្មោះជាមួយក្រុមការងារ និងធ្វើតាមលក្ខន្តិកៈតែប៉ុណ្ណោះ៕
កញ្ញា គ្រាប់ជី
ចុចអាន៖កម្មការិនី ផាន់ រាំងសារ៉ន ប្រាប់ថា យុទ្ធនាការ១សែនអំណាន ផ្ដល់ឲ្យនូវរសជាតិប្រលោមលោកចម្រុះ
1 Comment
ខ្ញុំគិតថាការអានពិតជាពិសេសណាស់ ពេលដែលយើងហត់នឿយនឹងការងារពេញមួយថ្ងៃ ហើយអ្វីដែលបានជួបមិនសមប្រកបដូចចិត្ត នោះមានតែសៀវភៅទេ ជាមិត្តយល់ចិត្តជួយសម្រាលភាពតានតឹង ថែមទាំងអាចជួយអោយយើងខ្លួនឯងផ្ទាល់ ដូចបានស្ថិតក្នុងតថភាពពិតៗនៃសាច់រឿង មានអារម្មណ៍រំភើប ទៅតាមសាច់រឿងផងដែរ
យល់យ៉ាងណាដែរចំពោះសាច់រឿងខាងលើ