ត្រឹមតែប៉ុន្មានម៉ោងនៃការប្រកាសបើកកក់ សៀវភៅ «ធ្វើឱ្យអស់ពីសមត្ថភាព» នៅព្រឹកថ្ងៃទី០២ ខែកុម្ភៈ ឆ្នាំ២០២៤នេះ សៀវភៅជំរុញទឹកចិត្តថ្មីសន្លាងរបស់ អ្នកនិពន្ធ មុីសន សុធារី ចំណងជើង «ធ្វើឱ្យអស់ពីសមត្ថភាព» មានការចាប់អារម្មណ៍ និងទទួលបានការកក់ច្រើន ទាំងតាមរយៈផេកផ្លូវការរបស់អ្នកនិពន្ធ និងផេកដៃគូសហការ។
![](https://www.meysansotheary.com/wp-content/uploads/2024/02/សស-1024x576.png)
តាមរយៈសៀវភៅជំរុញទឹកចិត្តមួយក្បាលនេះ អ្នកនិពន្ធបានរំលេចពីជំនាញទន់ ចំណេះដឹងសំខាន់ៗ ក៏ដូចជាការចែករំលែក និងទស្សនៈ ដែលសុទ្ធសឹងតែមានសក្តានុពលដល់ដំណើរជីវិត មិនថាការសម្រេចចិត្ត ឬកិច្ចការអ្វីមួយ។ ទន្ទឹមនេះ អ្នកនិពន្ធ ក៏មានចេតនាក្នុងការជំរុញទស្សនៈរបស់អ្នកអាន ដើម្បីជួយស្វែងរកគុណតម្លៃរបស់បុគ្គល ឈានឆ្ពោះទៅភាពជោគជ័យផងដែរ។
គួរជម្រាបថា សម្រាប់អ្នកដែលមានបំណងចង់បាន សៀវភៅជំរុញទឹកចិត្តថ្មីរបស់អ្នកនិពន្ធ មុីសន សុធារី មួយក្បាលនេះ អាចធ្វើការកក់ តាមរយៈផេកអ្នកនិពន្ធផ្ទាល់ ចាប់ពីថ្ងៃប្រកាសនេះ ពោលគឺចាប់ពីថ្ងៃទី០២ ខែកុម្ភៈ ឆ្នាំ២០៤ រហូតដល់ថ្ងៃបិទទទួលការកក់៕
យល់យ៉ាងណាដែរចំពោះសាច់រឿងខាងលើ