ថ្ងៃអាទិត្យទី ០៣ ខែមីនា ឆ្នាំ២០២៤នេះ ជាថ្ងៃចុងក្រោយហើយនៃកម្មវិធី “រាត្រីសមោសរសំពត់បត់ខ្មែរ” ដែលប្រព្រឹត្តិធ្វើឡើងនៅសាលសន្និសីទចតុម្មុខ ដែលចាប់ផ្តើមតាំងពីថ្ងៃសុក្រទី ០១ ខែមីនា ឆ្នាំ២០២៤នេះ (រយៈពេល ៣ថ្ងៃពេញ) ហើយត្រៀមនឹងបិទបញ្ចប់នៅថ្ងៃអាទិត្យនេះ។
![](https://www.meysansotheary.com/wp-content/uploads/2024/03/430662607_946848067004970_1725307766616728368_n-1024x768.jpg)
![](https://www.meysansotheary.com/wp-content/uploads/2024/03/429657793_946835343672909_6455901207467077843_n-1024x683.jpg)
គួរជម្រាបថា កម្មវិធី “រាត្រីសមោសរសំពត់បត់ខ្មែរ” ក្រោមការរៀបចំរបស់ ក្រសួងវប្បធម៌ និងវិចិត្រសិល្បៈ គឺបានអនុញ្ញាតដល់សាធារណជនទាំងអស់ ក៏ដូចជាភ្ញៀវជាតិ-អន្តរជាតិ អាចចូលរួមទស្សនាដោយសេរី នូវការតាំងបង្ហាញ “ពិព័រណ៍សិប្បកម្មយើង” តម្បាញសូត្រ ហូល ផាមួង ក្រមា ដែលផលិតពីពណ៌ធម្មជាតិ រួមនិងវត្ថុសិល្បៈ សិប្បកម្មស្នាដៃកូនខ្មែរ ព្រមទាំងទស្សនីយភាពសិល្បៈជាច្រើនផងដែរ ។
![](https://www.meysansotheary.com/wp-content/uploads/2024/03/សមោរស២-1024x572.jpg)
![](https://www.meysansotheary.com/wp-content/uploads/2024/03/សមោរស-1024x572.jpg)
នៅថ្ងៃចុងក្រោយនេះ ក៏នៅតែបន្តដំណើរការកម្មវិធី “ពិព័រណ៍សិប្បកម្មយើង” ដោយបើកឱ្យចូលទស្សនាសាធារណជន ចូលរួមដោយសេរី ចាប់ពីម៉ោង ៩:០០ ព្រឹកទៅ ។
គួរបញ្ជាក់ថា ក្រសួងវប្បធម៌ និងវិចិត្រសិល្បៈ បានរៀបចំកម្មវិធី “រាត្រីសមោសរសំពត់បត់ខ្មែរ” នេះឡើង ក្នុងបំណង ដើម្បីចូលរួមថែរក្សាប្រពៃណីទំនៀមទម្លាប់ កេរដំណែលដូនតា ក៏ដូចជារួមចំណែកអភិរក្ស និងលើកតម្កើងតម្លៃនៃសំពត់បត់ខ្មែរ។ ពិសេស ជំរុញឱ្យស្ត្រីខ្មែរយល់ដឹងកាន់តែច្បាស់ពីគុណតម្លៃ ភាពស្រស់ស្អាតនៃសំពត់បត់ខ្មែរ ក្នុងសង្គមខ្មែរ ក៏ដូចជាបណ្តុះស្មារតីយុវវ័យជំនាន់ក្រោយ ឱ្យចូលរួមថែរក្សាអត្តសញ្ញាណវប្បធម៌ជាតិ ឱ្យបានគង់វង្សតរៀងទៅ៕
![](https://www.meysansotheary.com/wp-content/uploads/2024/03/សមោរស១-1024x599.jpg)
![](https://www.meysansotheary.com/wp-content/uploads/2024/03/សម-1024x560.jpg)
យល់យ៉ាងណាដែរចំពោះសាច់រឿងខាងលើ